Qusar Rayon Polis Şöbəsinin təşəbbüsü ilə rayonun Hil kənd tam orta məktəbində tədbir keçirilib.
Shimal.News-a Daxili İşlər Nazirliyinin Mətbuat Xidmətinin Quba regional qrupundan verilən məlumata görə, görüşdə “Gənclər narkomaniyaya yox deyir” və “Erkən nikah və onun fəsadları” mövzularından danışılıb.
Rayon polis şöbəsinin rəisi, polis polkovnik-leytenantı Azər Əfəndiyev öz çıxışında narkomaniyanın cəmiyyət üçün böyük bəlaya çevrildiyini bildirib. O, hüquq-mühafizə orqanlarının apardığı mübarizə tədbirlərindən danışıb, bu yöndə gənclərin maariflənməsinin vacibliyini vurğulayıb.
A.Əfəndiyev erkən nikahın səbəb olduğu problemlərdən də söhbət açaraq, hər bir uşağın yaşamaq, təhsil almaq, müdafiə olunmaq hüquqları olduğunu vurğulayıb. O qeyd edib ki, hər bir şagird öz hüquq və vəzifələrini bilməli, zərərli vərdişlərdən uzaq durmalıdır.
Sonda məktəbliləri maraqlandıran suallar cavablandırılıb.
