Məktəb yeməkxanasında uzun müddət fəaliyyət göstərən qadın öz biznesinə sahib olub. Bu barədə ShimalNews 30 may tarixində Qusar Rayonunun Qadın Resurs Mərkəzinə (QRM) istinadən xəbər verir.
2019-cu ildə Maisə xanım Qadın Resurs Mərkəzi haqqında məlumat alıb və üzvlük üçün müraciət edib. Burada “Sahibkarlığın və biznes bacarıqlarının inkişafı” təliminə qoşularaq qalib gəlib. O, müasir tələblərə cavab verən avadanlıqla təmin olunub və öz həyətində balaca bir otaqda biznesinə başlayıb:
“Uşaqlıq arzumu Qusar rayon Qadın Resurs Mərkəzi sayəsində reallaşdırdım”.
Artıq sahibkar qadın bişirdiyi ləziz şirniyyatlarla müştərilərinin rəğbətini qazanıb və fəaliyyət göstərdiyi məkanı böyüdüb.
