Qusarda məktəbli qızlar arasında voleybol üzrə açıq turnirin qalibləri müəyyənləşib. Bu barədə ShimalNews 3 noyabr tarixində Azərtac-a istinadən məlumat verir.
Milli Qəhrəman Çingiz Qurbanovun xatirəsinə həsr olunan voleybol turnirinin qalibi "Urva-1" komandası olub. İkinci yeri "Gədəzeyxur", üçüncü yeri isə "Urva-2" komandası qazanıb.
Mükafatlandırma mərasimində Azərbaycan voleybol federasiyasının nümayəndələri, Milli Qəhrəman Çingiz Qurbanovun atası Salman Qurbanov iştirak edib. Məktəblilərə kubok, medal, diplom və hədiyyələr təqdim olunub.
Qusarda oktyabrın 22-dən başlayan turniri seleksiyaçı məşqçilər izləyib. Perspektivli gənclər milli komandaya cəlb ediləcəyi planlaşdırılır.
