Qusar rayonunda Aleksandr Dümanın 220 illiyi ilə əlaqədar tədbir keçirilib. Bu barədə ShimalNews 20 iyul tarixində Xaçmaz Regional Mədəniyyət İdarəsinə istinadən məlumat verir.
"Adamı valeh edən yazıçı" adlı dəyirmi masa Samur Qəsəbə filialında baş tutub. Dəyirmi masa formatında təşkil olunan tədbirdə çıxış edən kitabxanaçı dünya ədəbiyyatında görkəmli yer tutan məşhur fransız yazıçısı, tarixi və macəra romanlarının ustası Aleksandr Dümanın həyat və yaradıcılığı haqqında bəhs edib. O, Qafqaza gəlmiş və gördükləri əsasında 1859-сu ildə “Qafqaza səyahət” kitabını yazmışdır. Burada yazıçının məşhur romanlarından parçalar səsləndirilib.
