Qusar Rayon İcra Hakimiyyəti onlayn formatda qəbulun təşkilinə başlayıb.
Shimal.News adıçəkilən quruma istinadən xəbər verir ki, bu məqsədlə müvafiq avadanlıqların və internetin yaşayış məntəqələrində fasiləsiz işləməsi üçün zəruri tədbirlər həyata keçirilib.
Vətəndaşlar İcra Hakimiyyətinin rəsmi elektron səhifəsi üzərindən elektron qaydada özləri və müraciətləri haqqında zəruri məlumatları daxil edərək məktub ünvanlayıb və qəbula yazıla bilərlər.
Bundan sonra həmin şəxslər yaşadıqları inzibati ərazi dairəsi üzrə nümayəndəliyə gələrək oradan birbaşa rayon rəhbərliyi ilə onlayn görüşə bilərlər.
Onlayn qəbul hər həftənin cümə günü keçirilir.
