Qusarda cinayət işi açılmış şəxs Rusiyadan Azərbaycana ekstradisiya edilib. Bu barədə ShimalNews 16 fevral tarixində Baş Prokurorluğa istinadən məlumat verir.
Məlumata görə, Rəşad Xanmuradovun bir qrup halında xuliqanlıq əməlini törətməsinə əsaslı şübhələr müəyyən edilib. Onun barəsində həbs qətimkan tədbiri seçilməklə axtarış elan olunub.
Onu Rusiya Federasiyası ərazisində saxlayıblar. Rusiya Federasiyasının Baş Prokurorluğu tərəfindən vəsatət təmin edilib və cari ilin fevralın 15-də Ədliyyə Nazirliyinin Penitensiar Xidmətinin xüsusi konvoyunun müşayiəti ilə ölkəmizə gətirilib.
