Qusar rayonunda "Şuşa İli" çərçivəsində "Əziz Şuşa, sən azadsan!" mövzusunda tədbir keçirilib. Bu barədə ShimalNews 20 iyul tarixində Xaçmaz Regional Mədəniyyət İdarəsinə istinadən məlumat verir.
Tədbir Gündüzqala kənd folklor evində təşkil olunub. Burada iştirak edən mədəniyyət işçiləri və Vətən müharibəsi iştirakçısı Namiq Balamətov mövzu ilə bağlı çıxış ediblər. Qonaqlar ilk öncə "Şuşa İli"nə həsr olunmuş rəsm, dekorativ-tətbiqi sənət və milli mətbəx nümunələrindən ibarət sərgi ilə tanış olublar. Tədbirin bədii hissəsində gənc oğlan və qızlardan ibarət rəqs qrupları geniş və rəngarəng konsert proqramı ilə çıxış ediblər. Şənlikdə məktəb şagirdləri Azərbaycana, Şuşaya həsr olunmuş şeirlər söyləyiblər.
