Qusarda kənd sakinləri “Səyyar qəbul otağı”nda müraciətlərini səsləndiriblər. Bu barədə ShimalNews 2 fevral tarixində “Azəriqaz” İB-yə istinadən məlumat verir.
“Açıq mikrofon” aksiyasında Xürəl, Avaran, Hil və Qalacıq kəndlərində salınan yeni yaşayış massivlərinin sakinləri iştirak ediblər. Onlar həmin ərazilərdə mavi yanacağın olmaması, qaz xəttinin yerinin dəyişdirilməsi və qapı keçidinin quraşdırılması kimi məsələləri qaldırıblar.
Ünvanlanan müraciətlər Xaçmaz Regional Qaz İstismarı İdarəsinin rəhbərliyi tərəfindən cavablandırılıb və həlli üçün qeydiyyata alınıb.
