Qusarda “Şahdağ” və “Marvar” ədəbi birliklərinin ləzgi və Azərbaycan dillərində yazan üzvlərinin öz yaradıcılıqlarını təqdimetmə tədbiri keçirilib. Bu barədə ShimalNews 30 yanvar tarixində Mərkəzləşdirilmiş Kitabxana Sisteminə istinadən xəbər verir.
Tədbirdə ədəbi birliklərin üzvləri, şairlər-Məhsım Məhsimov, Eyvaz Güləliyev, Esmira Beybutova, Günəş Mövlanov, Cavid Tahirov, Vidadi Zülfüqarov, Elşad Şalbuzov, Zəbiyulla Kəlbəliyev, Əncam Vələdov, Kamran Tahircallı iştirak ediblər.
Qələm ustaları özlərinin ləzgi və Azərbaycan dillərində yazdıqları şeirlərindən nümunələr oxuyub və yaradıcılıq müzakirəsi aparıblar.
