Qusar rayon ümumtəhsil məktəblərinin yeniyetmə və gənclərdən ibarət komandaları arasında "Mənim Azərbaycanım" adlı intellekt yarışması keçirilib. Bu barədə ShimalNews 27 fevral tarixində Qusar Gənclər və İdman İdarəsinə istinadən məlumat verir.
Turnir "Yurd" Gənclərin İntellektual İnkişafına dəstək İctimai Birliyinin təşkilatçılığı və Azərbaycan Respublikasının Gənclər Fondunun dəstəyi ilə həyata keçirilib.
2 saylı tam orta məktəbdə keçirilən yarışda şəhər 1, 2, 5 və 6 saylı, Hil, Bədirqala, Balaqusar, Zindan Muruq və Urva məktəblərinin komandaları iştirak ediblər.
Nəticədə Bədirqala məktəbinin "Yurdum" komandası ən yüksək xal toplayaraq 1-ci yerə yüksəlib. 1 saylı məktəbin "Zəfər" komandası 2-ci, Hil məktəbinin "Hil" komandası isə 3-cü yerə layiq görülüb.
Qalib komandalara kubok, üzvlərinə isə diplom, medal və hədiyyələr təqdim olunub.
