Qusarda fermerlərin iştirakı ilə regional tədbir keçirilib. Bu haqda ShimalNews 29 noyabr tarixində Aqrar Sığorta Fonduna istinadən məlumat verir.
“Dayanıqlı fermer fəaliyyəti üçün aqrar sığorta” mövzusunda baş tutan görüşdə aqrar sığortadan istifadə, aqrar sığortanın üstünlükləri, təbiət hadisələri və müxtəlif hallar nəticəsində fermerlərə dəyən zərər və ödənişlərlə bağlı vəziyyət müzakirə edilib.
Hazırda aqrar sığorta ölkədəki 1,6 milyon hektar əkin sahəsinin 420 min hektarını əhatə edir. Aqrar sığorta haqqının 50%-ni fermerlərə dəstək üçün dövlət ödəyir.
Tədbirdə Quba-Xaçmaz regionu üzrə aqrar sığorta xidmətləri və müxtəlif məhsulların sığortalanması imkanları üzrə təqdimat keçirilib. Bildirilib ki:
Aqrar Sığorta Fondunun idarə heyətinin sədri Fuad Sadıqov jurnalistlərə açıqlamasında bildirib ki, artıq təbii fəlakətlər nəticəsində fermerlərə dəyən zərərlərin ödənilməsinə başlanılıb. Təqribi hesablamalara görə, bu il əkin sahələri üzrə aqrar sığorta ödənişləri 6 milyon manata çatacaq.
