Qusar sakini illərdir qarajını bəzəyən retro avtomobillərindən danışıb. Bu barədə ShimalNews 4 fevral tarixində İTV-yə istinadən məlumat verir.
70 yaşlı Qusar sakini Gülmət Şahbazov illərdir 1947-ci ilin istehsalı olan “Pobeda” və 1953-cü ildə istismara verilən “Zim” markalı minik avtomobillərinə sahibdir. Hal-hazırda bu maşın tam işlək vəziyyətdədir.
Gülmət bildirir ki, gözünü açandan “Pobeda” maşınını atasında görüb. “Zim” markalı maşını isə 35 il əvvəl Quba sakinindən 3 min rubla alaraq atasına hədiyyə edib.
Maşın ustası olan Şahbazov “Zim” markalı avtomobildə bəzi detalları dəyişib. Mator və sürət qutusu daha güclüsü ilə əvəz olunub. Iki tondan artıq çəkisi olan avtomobilin uzunluğu 5,5 metrdir.
Qeyd edək ki, 1949-1959-cu illərdə bu avtomobillərdən cəmi 21500 ədəd istehsal olunub.
View this post on Instagram
