Qusarlı şəhid leytenant İlyas Niftəliyevın ailəsi ziyarət olunub. Bu barədə ShimalNews 12 aprel tarixində Qusar rayon MKS-yə istinadən məlumat verir.
Görüşdə Bədirqala kənd kitabxana filialının əməkdaşları və Qusar Mədəniyyət Mərkəzinin Bədirqala kənd Sənətkarlıq klubunun əməkdaşları iştirak ediblər. Gələn qonaqlar şəhidin ailə üzvləri ilə birgə məzarını ziyarət ediblər.
İlyas Niftəliyev 1999-cu il aprelin 12-də Qusar rayonunun Bədirqala kəndində anadan olub. Heydər Əliyev adına Ali Hərbi Məktəbi bitirən 21 yaşlı gənc XTQ-nin tərkibində xidmətə başlayıb. Vətən müharibəsi zamanı leytenant Niftəliyev Murovdağ zirvəsi, Cəbrayıl rayonu və Hadrut qəsəbəsinin azad edilməsində əsl fədakarlıq nümayiş etdirib. O, oktyabrın 14-də Füzuli döyüşləri zamanı şəhid olub. Ölümündən sonra "Vətən uğrunda", "Cəbrayılın azad olunmasına görə", "Hərbi xidmətlərə görə" medalları ilə təltif edilib.
Leytenant Qusar rayonunda dəfn olunub.
