Qusarda “Yaşıl dünya naminə həmrəylik ili” çərçivəsində sərgi-müsabiqə keçirilib. Bu haqda ShimalNews 16 aprel tarixində məlumat verir.
Tədbir Dövlət Rəsm Qalereyasında təşkil edilib. Müsabiqə Qusar şəhər Uşaq İncəsənət Məktəbi və Qalereyanın birgə təşkilatıçılığı ilə məktəbin rəssamlıq şöbəsinin şagirdləri arasında keçirilib.
30 şagird müxtəlif texnikalarda və janrlarda işlənmiş rəsm əsərlərini nümayiş edib. Onlar dünyanı narahat edən ekoloji problemlər, iqlim dəyişiklikləri və onların canlı aləmə mənfi təsirlərini diqqətə çatdırımağa çalışıblar. Fərqlənən iştirakçılar I, II, III dərəcəli diplom və tərifnamələrlə təltif ediliblər
