Qubadan olan gənc qadın iki həftədən çoxdur ki, komadadır. Bu barədə ShimalNews 11 fevral tarixində Oxu.az-a istinadən məlumat verir.
Digah kənd sakini Aygün Nemətova 2-ci övladını dünyaya gətirmək üçün Qusar Rayon Mərkəzi Xəstəxanasına yerləşdirilmişdir. Yanvarın 23-ü qeysəriyyə əməliyyatı keçirilib, lakin səhəri gün qadının halı pisləşib və artıq 18 gündür ki, komadadır.
29 yaşlı gənc ananın bu vəziyyətə düşməsində qohumları həkim səhlənkarlığını səbəb göstərirlər. Onlar iddia ediblər ki, Aygünə sonradan vurulan iynə onun vəziyyətini daha da ağırlaşdırıb.
Gənc ananın həyat yoldaşı doğuş üçün həkimə 500 manat pul verdiyini bildirib.
