Qusarda uşaq bağçasında körpələrin sağlamlığı müayinə edilib. Bu haqda ShimalNews 26 sentyabr tarixində Qusar Rayon Mərkəzi Xəstəxanasına istinadən məlumat verir.
Yoxlanış 2 saylı və 3 saylı körpələr evi – uşaq bağçalarında keçirilib. Müayinə Rayon Mərkəzi Xəstəxanasının həkim-pediatrı İradə Nurməmmədova tərəfindən aparılıb.
Müxtəlif yaş qruplarında olan uşaqlar yoxlanıldıqdan sonra valideynlərlə görüş təşkil olunub. Onlara xəstəliklərin risk amilləri, mövsümi xəstəliklərin qarşısının alınması barədə məlumat verilib.
