Qusar Dövlət Ləzgi Dram Teatrı "Milli klassika" teatr festivalında çıxış edəcək. Bu barədə ShimalNews 9 dekabr tarixində teatra istinadən məlumat verir.
10-16 dekabr tarixlərində baş tutacaq festival Teatr Xadimləri İttifaqının 125 illiyinə həsr olunub. Burada 11 dekabr Qusar Dövlət Ləzgi Dram Teatrı Sabit Rəhmanın "Hicran" tamaşasını nümayiş etdirəcək.
Tamaşanın quruluşçu rejissoru Bağır Əhmədov, quruluşçu rəssamı Marina Mahmudova, musiqi tərtibatçısı isə Şaik Qardaşovdur.
Rollarda Bağır Əhmədov, Həsrət Nəsrullayev, Lalə Qurbanova, Şəküfə Mirzəağayeva, Tofiq Mustafayev, Kəmalə Səfərova, Pirvərdi Pirvərdiyev, Namik Mustafayev, Emma Xeyirbəyova, Diana Cəfərova, Ramella Rzayeva və Bədəl Bədəlov çıxış edəcəklər.
