Sabirabad rayon sakini Qubada narkotiklə saxlanılıb. Bu barədə ShimalNews 9 iyul tarixində Yenicag.az-a istinadən məlumat verir.
Məlumata görə, polis əməkdaşları əməliyyat-axtarış tədbirləri keçirib. Nəticədə Tural Tağızadə narkotik vasitələrin əldə etməsi, saxlaması və daşımasında şübhəli bilinərək saxlanılıb.
Həmin şəxsin üzərinə və avtomobilinə baxış keçirilib. Bu zaman külli miqdarda narkotik vasitə olan heroin, psixotrop maddə olan metamfetamin və 1 ədəd metadon həbi aşkar olunaraq götürülüb.
Faktla bağlı Quba RPŞ-də cinayət işi başlanılıb, məhkəmənin qərarı ilə həmin şəxs barəsində həbs qətimkan tədbiri seçilib.
