Qımıl Qubanın müəllimlər məskəni adlandırılır. Bu kənd məktəbini bitirən hər 10 şagirddən 6-sı ali və ya orta ixtisas təhsili alıb, bəziləri doğma ocağına müəllim kimi qayıdır. İsa Bayramov da bu ənənəyə sadiq qalıb. Bu barədə ShimalNews 6 oktyabr tarixində İTV-yə istinadən məlumat verir.
İsa müəllim 70 illik həyatının 47 ilini peşəsinə həsr edib. Onun atası da, babası da müəllim olub. Bu sənətə sevgisini onlardan öyrənib:
“Məni gümrah saxlayan müəllimlik sənətidir. Uşaqlarla keçirdiyim dəqiqələrdir, saniyələrdir. Hətta bədənimdə ağrı olsa, onlar da unudulur o vaxt”.
Nəslin gənc davamçısı İbad Bayramov da atasının peşəsini davam etdirməkdən qürur duyur:
“Müəllim cəmiyyətin qurucusudur. Ona görə də çox məsuliyyətli bir işdir. Məsuliyyətli olduğu qədər də şərəfli bir peşədir. Çünki biz gələcək nəsli tərbiyələndiririk”.
İsa müəllim həm də dülgər işi ilə məşğul olur. O deyir ki, sağlamlıq üçün əzələ işləməlidir. Buna görə də fiziki məşğuliyyətlərindən əl çəkmir.
[video width="1280" height="720" mp4="https://shimal.news/storage/photos/2023/10/Qubanin-Qimil-kandinda-yasayan-70-yasli-Isa-muallim_1.mp4"][/video]
