Qubalı Fətəli xanın qəbirdaşının bərpaya ehtiyacı olduğu üçün Bərpa laboratoriyasında işlərə start verilib. Bu barədə ShimalNews 29 sentyabr tarixində Milli Azərbaycan Tarixi Muzeyinə istinadən məlumat verir.
Sözügedən abidə oniks daşından hazırlanıb. Onun üzərində bərpa-konservasiya işləri muzeyin bərpaçı-rəssamı İbrahim Hacıyev tərəfindən aparılır.
Öncə daşın üzərindəki firuzəyi, bənövşəyi, qızılı boya qalıqları daha aydın formada üzə çıxarılıb. Eksponatın üzərindəki ləkələr xüsusi maddələrlə - kimyəvi və mexaniki üsulla təmizlənərək, onun təbii rəngi geri qaytarılıb.
Proses yekunlaşandan sonra başdaşı muzeydə nümayiş olunacaq.
Fətəli Xan 22 mart 1789-cu ildə Bakıda vəfat edib və Bibiheybət məscidinin həyətində dəfn olunub.
