Bu gün Qubanın Çiçi kəndində tam orta məktəbinin yeni binasının açılışı olub.
ShimalNews xəbər verir ki, Dəyanət İsmayılov adına modul tipli məktəbdə 126 şagird təhsil ala biləcək. Burada 9 sinif otağı, müəllimlər otağı, kitabxana, direktor otağı var. Eləcədə təhsil ocağının həyətində futbol meydançası və idman qurğuları var.
Açılış mərasimində Qubanın icra başçısı İlqar Mahmudov, Quba-Xaçmaz Regional Təhsil İdarəsinin müdiri Coşqun Əliyev, məsul şəxslər, şəhid ailələrinin üzvləri, kənd ziyalıları, müəllimlər və şagirdlər iştirak edib.
