Quba rayonunda elektron qeydiyyat prosesində valideynlərə kömək məqsədilə alternativ qeydiyyat mərkəzi yaradılıb. Bu barədə ShimalNews 19 iyul tarixində Facebook səhifəsinə istinadən məlumat verir.
İyulun 18-dən etibarən cari tədris ili üçün məktəbəqədər təhsil müəssisələrinə uşaqların elektron qəbulu prosesinə start verilib. Elektron qeydiyyatdan keçə bilməyən və ya internet resurslarına çıxış imkanı olmayan valideynlərə dəstək məqsədilə Quba-Xaçmaz Regional Təhsil İdarəsinin Quba rayonu üzrə təhsil sektorunun yerləşdiyi ünvanda (Ə.Nərimanov 56) alternativ mərkəz fəaliyyətə başlayıb.
Qeydiyyatla bağlı hər hansı bir çətinlik yaranarsa, həmin mərkəzə (Gülər Vəlimuradova Tel: 0233352383) müraciət edə bilərsiz.
