Qubanın 2-ci Nügədi kəndində şəhid bulağı inşa olunur. Bu barədə ShimalNews 25 iyul tarixində məlumat verir.
Bulaq 44 günlük Vətən müharibəsi şəhidi Eynulla Lətifovun xatirəsinə, onun doğma küçəsində tikilir. Əldə olunan məlumata görə, bulağın təxminən 1 həftəyə təhvil veriləcəyi gözlənilir.
Quba əhalisi Eynullanı mərdliyinə görə, milli qəhrəman Mübariz İbrahimovun davamçısı kimi tanıyır. O Fizuli və Cəbrayıl istiqamətlərində döyüşüb. O, Xocavənd rayonu ərazisində oktyabrın 20-si qəhrəmancasına şəhid olub və "Vətən uğrunda medalı" ilə təltif edilib.
