Qubada fəaliyyət göstərən, TƏBİB-in tabeliyində olan tibb müəssisəsi həkim-mütəxəssislərin işə qəbulunu keçirir. Bu barədə ShimalNews 9 avqust tarixində adıçəkilən birliyə istinadən məlumat verir.
Quba Rayon Mərkəzi Xəstəxanasında aşağıda göstərilən vakant yerlər mövcuddur:
1.Həkim-anestezioloq-reanimatoloq;
2. Həkim-mama-ginekoloq;
3. Həkim-nevroloq;
4.Həkim-neyrocərrah;
5.Həkim-oftalmoloq;
6.Həkim-radioloq;
7. Həkim-uroloq;
8.Həkim-uşaq cərrahı;
İşə qəbul olmaq istəyən həkimlər anket formasını (https://bit.ly/3JAIFcx) dolduraraq tələb olunan sənədlərin elektron nüsxələri ilə birlikdə [email protected] elektron poçt ünvanına göndərməlidirlər. Məktubun “mövzu” bölməsində müraciət edilən vəzifənin və tibb müəssisəsinin adı qeyd edilməlidir.
Tələb olunan sənədlərin siyahısı:
- şəxsiyyətini təsdiq edən sənəd;
- əsas (baza ali) tibb təhsili haqqında sənəd (diplom) (xarici dövlətlərin ali tibb təhsil sahəsində ixtisasları Azərbaycan Respublikasında ekvivalentliyi müəyyən edilməklə (nostrifikasiya olunmaqla);
- xarici dövlətlərdə təhsil alan şəxslər üçün işə buraxılma haqqında şəhadətnamə (namizədin işə qəbulunun rəsmiləşdirilməsi zamanı tələb olunacaq);
- sertifikasiya şəhadətnaməsi (sertifikasiyadan keçməkdən qanunvericiliklə nəzərdə tutulmuş azad olma halları istisna olmaqla);
- əmək kitabçası (namizədin işə qəbulunun rəsmiləşdirilməsi zamanı tələb olunacaq);
- elmi dərəcə və elmi ad haqqında dövlət sənədi (olduğu halda);
- xarici dil və kompüter biliklərini təsdiq edən sənəd (olduğu halda);
- seminar/konfranslarda iştirak etməni təsdiq edən sənəd (olduğu halda).
Sənəd qəbulu 31 avqust 2022-ci il tarixində günün sonunadək davam edəcəkdir.
