Qubada yerləşən “Qudyalçay” əhəngdaşı yataqlarında hüquqpozmalar aşkarlanıb. Bu barədə ShimalNews 27 noyabr tarixində Azərbaycan Respublikası Baş Prokurorluğuna istinadən məlumat verir.
Müxtəlif hüquqi və vəzifəli şəxslər tərəfindən səlahiyyətlərindən sui-istifadə edilərək mülkiyyət, istifadə və ya icarə hüququ olmadan torpaq sahəsinin zəbt edilməsi və qanunsuz qum-çınqıl hasilatı işlərinin aparılması nəticəsində təbiətə ziyan vurulmasına əsaslı şübhələr müəyyən edilib. Fakta bağlı cinayət işi başlanaraq istintaqın aparılması üçün Baş Prokurorluğun İstintaq idarəsinə göndərilib.
