Quba şəhərində “Açıq əyləncəli məhəllə futbol liqası”nın “A” seriyasının bağlanış mərasimi keçirilib. Bu haqda ShimalNews 2 oktyabr tarixində Gənclər və İdman İdarəsinə istinadən məlumat verir.
28 May parkında yerləşən stadionda liqanın “A” seriyasının final oyunu və bağlanış mərasimi keçirilib. Qaliblər təşkilatçılar tərəfindən müvafiq dərəcəli diplom, medal və kubokla, digər iştirakçılar isə fəxri fərmanlarla təltif olunublar.
Yarış Quba-Xaçmaz Regional Gənclər və İdman İdarəsinin və Quba Futbol Klubunun birgə təşkilatçılığı ilə “Heydər Əliyev İli” çərçivəsində təşkil olunub. Burada 6 komanda mübarizə aparıb.
