Şimal bölgəsində ibtidai sinif və Azərbaycan dili və ədəbiyyat müəllimləri üçün onlayn təlimlərə start verilir. Bu haqda ShimalNews 16 iyul tarixində məlumat verir.
"Azərbaycan dili fənnindən şagirdlərdə oxuyub-anlama bacarıqlarını necə formalaşdıraq" adlı təlimlər Quba-Xaçmaz Regional Təhsil İdarəsi tərəfindən təşkil edilir.
Tədbirin keçirilməsində əsas məqsəd Azərbaycan dili fənn kurikulumunda ibtidai təhsil səviyyəsində oxu məzmun xətti üzrə əsas və alt standartların, təlim nəticələrinin (məqsədlərinin) tətbiqini, oxu prosesinin (oxudan əvvəl, oxu zamanı, oxudan sonra) düzgün təşkil olunmasını, şagirdlərdə oxuyub-anlama bacarığının formalaşdırılmasının yollarını təkmilləşdirməkdir.
Maraqlanan şəxslər 26 iyul tarixinədək qeydiyyatdan keçməlidirlər.
