Xaçmaz şəhərinin Rəsulbəyov, Nəriman Nərimanov və Nəsimi küçələrində yerləşən çoxmənzilli yaşayış binalarında əsaslı təmir və abadlıq işləri aparılır.
Shimal.News xəbər verir ki, Rəsulbəyov küçəsində yerləşən 21 saylı çoxmənzilli yaşayış binasının dam örtüyünün yenilənməsi artıq başa çatıb. Hazırda binanın fasadının yenilənməsi, eləcə də giriş bloklarında təmir işləri aparılır.
Nəsimi küçəsində yerləşən çoxmənzilli yaşayış binasının isə dam örtüyünün yenilənməsi yekunlaşmaq üzrədir.
Bununla yanaşı, 80 saylı binanın mövcud dam örtüyünün sökülməsi və yenilənməsi ilə bağlı hazırlıq işləri həyata keçirilir.
Qeyd edək ki, təmir və abadlıq işlərinin mərhələli şəkildə davam etdirilməsi nəzərdə tutulur.
