Quba və Xaçmaz rayonlarında taxıl sahələri yanıb. Bu barədə ShimalNews 13 iyul tarixində Fövqəladə Hallar Nazirliyinə istinadən məlumat verir.
Nazirliyin məlumatına görə, Quba rayonunun Mahmudqışlaq, Zərqava və İsnovqışlaq kəndlərində 6 hektar biçilməmiş taxıl sahəsi, eləcə də 8.5 hektar sahədə quru ot və kol-kos yanıb. Yaxınlıqdakı meşə zolağı və qəbiristanlığın ərazisi yanğından mühafizə olunub.
Xaçmaz rayonunda isə Qarabağlı kəndində bələdiyyəyə aid ərazidə 7 hektar biçilmiş taxıl sahəsi, Meşə Təsərrüfatı Mərkəzinə aid 3 hektar ərazidə kol-kos və qurumuş ağac kötükləri yanıb. Meşə ərazisinin qalan hissəsi və əkin sahələri yanğından mühafizə olunub.
Yanğın FHN-in yanğından mühafizə bölmələri tərəfindən söndürülüb.
