Quba və Qusar rayonları ərazisindən sel keçib. Bu haqda ShimalNews 22 iyun tarixində məlumat verir.
Güclü leysan yağışları nəticəsində Qubada Cağacıq çayı, Qudyalçay və Ağçayı məcrasından çıxaraq daşıb. Cağacıq çayının üzərindəki körpü qəzalı vəziyyətə düşüb, kənddə olan fərdi yaşayış evlərinə və təsərrüfatlara ziyan dəyib.
Rustov kəndini su basıb. Quba-Xınalıq yolunda yerləşən hotel ərazisini su basıb, turistlərin avtomobili suyun içində qalıb.
Qusarda Şahdağ-Ləzə yolu da güclü sel səbəbindən bağlanıb. Qusarçayın daşması yolu tamamilə dağıdıb. Güclü leysan yağışları nəticəsində Laza şəlaləsi daşıb.
Bölgə rayonlarına dəyən ziyan müvafiq komissiya tərəfindən açıqlanacaq.
Milli Hidrometeorologiya Xidmətının Hidrologiya Mərkəzinin direktoru Asif Verdiyev vətəndaşlardan mümkün qədər çayların sahilindən uzaqda, təhlükəsiz yerlərdə durmalarını, sel hadisəsi zamanı çayların yaxınlığında dayanıb prosesi izləməmələrini tövsiyə edib.
[video width="848" height="478" mp4="https://shimal.news/storage/photos/2024/06/3-.mp4"][/video]
[video width="360" height="640" mp4="https://shimal.news/storage/photos/2024/06/27.mp4"][/video]
