Quba və Qusar rayonlarında ibtidai sinif müəllimləri ilə təhsilverənlərin sertifikatlaşması prosesi ilə bağlı görüş keçirilib. Bu barədə ShimalNews 20 iyul tarixində Quba-Xaçmaz Regional Təhsil İdarəsinə istinadən məlumat verir.
Tədbirdə Təhsil Nazirliyinin İnsan resursları şöbəsinin əməkdaşı Tükəzban Quliyeva, Təhsil İnstitutunun əməkdaşı Vəfa Məmmədova və adıçəkilən idarənin əməkdaşları iştirak ediblər. Görüş zamanı qiymətləndirmə çərçivəsi, imtahanın məzmunu və təşkili qaydaları ilə bağlı ətraflı məlumat verilib.
Həmçinin sertifikatlaşma prosesinin təhsilin keyfiyyət göstəricilərinə, karyera inkişafına müsbət təsirləri barədə müzakirələr aparılıb. Sonda iştirakçıları maraqlandıran suallar cavablandırılıb.
Görüş Təhsil Nazirliyinin təşkilatçılığı ilə həyata keçirilib.
