Şəhid Səbuhi Əliyevin cənazəsini qarşılamaq üçün sakinlər Qubanın girişinə gəliblər. Bu haqda ShimalNews 21 sentyabr tarixində məlumat verir.
Gənclər Parkının yaxınlığına insan axını davam edir. Sakinlər və hərbçilər bayraqları səmaya qaldırıblar. Polis əməkdaşları təhlükəsizliyi təmin etmək üçün əraziyə cəlb olunublar.
Üçtərəfli bəyanatın müddəalarının təmin olunması, genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycan Respublikasının konstitusiya quruluşunun bərpa edilməsi məqsədilə Qarabağ bölgəsində lokal xarakterli antiterror tədbirlərinə sentyabrın 19-u başlanılıb.
Daha öncə Səbuhi Əliyevin şəhidlik zirvəsinə ucalması haqqında məlumat vermişdik.
