Ana və uşaq sağlamlığının qorunması istiqamətində Quba Regional Perinatal Mərkəzində qiymətləndirilmə keçirilib. Bu barədə ShimalNews 29 may tarixində TƏBİB-ə istinadən xəbər verir.
TƏBİB-in İcraçı direktorunun müavini, komissiyanın sədri Anar İsrafilov, İlkin səhiyyə və təcili yardım departamentinin rəhbəri Anar Ağayev və digər birlik üzvləri mərkəzə səfər ediblər.
Burada analara, yenidoğulmuşlara göstərilən tibbi xidmətin, infeksiyaların profilaktikası və infeksion nəzarət (İPİN) qaydalarının tətbiqinin, qadın və reproduktiv sağlamlığın qorunmasına yönəlmiş tədbirlərin həyata keçirilməsinin, yenidoğulmuşların sağlamlığının qorunması məqsədilə skrininq proqramı çərçivəsində göstərilmiş laborator xidmətin təşkilinin, müəssisədə keyfiyyətə nəzarət işinin təşkilinin, kritik durumda daxil olan hamilələrə göstərilən tibbi xidmətin təşkilinin dəyərləndirilməsi aparılıb.
Tədbirdə Xaçmaz, Siyəzən, Şabran, Qusar rayon xəstəxanalarının rəhbərləri və aidiyyəti tibb işçiləri iştirak ediblər.
