Qubada şagirdlərə Qarabağ Universiteti haqda məlumat verilib. Bu haqda ShimalNews 5 iyul tarixində məlumat verir.
Tədbir Birinci Nügədi kənd Zəki Kərimov adına 1 nömrəli tam orta məktəbdə təşkil edilib. Görüşdə Universitetin Humanitar və sosial elmlər fakültəsinin dekanı Elmar Mustafayev, Pedaqoji fakültənin dekanı Kəklik Gözəlova və İctimaiyyətlə əlaqələr şöbəsinin müdiri Aytən Quliyeva iştirak ediblər.
Məktəbin şagirdləri və ali məktəblərə qəbul imtahanlarında yüksək nəticə göstərən abituriyentlərlə Qarabağ Universitetinə tələbə qəbulu ilə bağlı maarifləndirici söhbət aparılıb, universitetin üstünlükləri, ixtisasları, tədris prosesi, müəllim heyəti, təqaüd imkanları, yataqxanası və s. barədə ətraflı məlumat verilib.
