Quba şəhərində dövlət qulluqçularının peşə bayramı qeyd olunub. Bu haqda ShimalNews 21 iyun tarixində məlumat verir.
Rayon İcra Hakimiyyətinin başçısı İlqar Mahmudov, Rayon İcra Hakimiyyətinin kollektivi, Quba rayonunda müxtəlif təşkilatlarda çalışan dövlət qulluqçuları peşə bayramları münasibətilə Heydər Əliyevin adını daşıdığı mədəniyyət və istirahət parkındakı abidəsini ziyarət edib, ümummilli liderimizin abidəsinin qarşısına gül dəstələri qoyublar.
Mahmudov rayonda çalışan dövlət qulluqçularını peşə bayramları münasibətilə təbrik edib, ölkə rəhbərliyi tərəfindən dövlət qulluqçularına göstərilən yüksək dövlət qayğısı barədə ətraflı danışıb.
Dövlət Qulluqçularının Peşə Bayramı Günü İlham Əliyevin 2006-cı il 25 may tarixli Sərəncamına əsasən, hər il iyunun 23-ü qeyd olunur.
