Quba şəhərindən olan Tamerlan Əliyev və Murad Həbibov 3 il öncə şəhidlik zirvəsinə ucalıblar. Bu haqda ShimalNews 5 oktyabr tarixində məlumat verir.
Tamerlan 2002-ci il yanvarın 3-də anadan olub. O, Vətən müharibəsində igidliklə döyüşüb və oktyabrın 5-də Füzulidə şəhid olub. Ölümündən sonra o, “Vətən uğrunda”, “Cəbrayılın azad olunmasına görə” və “Xocavəndin azad olunmasına görə” medalları ilə təltif olunub.
Murad 2001-ci il mayın 15-də anadan olub. 3 oktyabr tarixində Ağdərə uğrunda gedən döyüşlərdə qəhrəmancasına şəhid olub. Ona “Vətən uğrunda”, “Laçının azad olunmasına görə” və “Suqovuşanın azad olunmasına görə” medalları və “Üçüncü dərəcəli Vətənə xidmətə görə” ordeni verilib.
Hər iki şəhidimiz Quba Şəhidlər xiyabanında dəfn olunub.
Allah rəhmət eləsin!
