Danimarkadan gələn coğrafiya üzrə mütəxəssislər Qubaya səfər ediblər. Bu haqda ShimalNews 7 oktyabr tarixində Azərbaycan Dövlət Pedaqoji Universitetinin Quba filialına istinadən məlumat verir.
"Kobenhavns Professions Hojskole" Universitetinin heyəti ADPU-nun Quba filialında olub. Qonaqlar ADPU-nun Quba filialının direktoru f.e.d. Yusif Alıyev və ADPU-nun Azərbaycan coğrafiyası və coğrafiyanın tədrisi texnologiyası kafedrasının müdiri dosent Oqtay Alxasovla birlikdə filialla tanış olublar. Mütəxəssislər "Tarix və coğrafiya müəllimliyi", "Coğrafiya müəllimliyi" ixtisasının tələbələrini dərs prosesində izləyiblər.
Daha sonra xaricilər Quba Soyqırımı Memorial Kompleksini ziyarət ediblər.
