Quba rayonu, İsnovqışlaq kəndində yaşamış şəhid Ümid Həsənovun ailəsi ziyarət olunub. Bu barədə ShimalNews 30 sentyabr tarixində Əmək və Əhalinin Sosial Müdafiəsi Nazirliyinə istinadən məlumat verir.
Nazirliyin əməkdaşları sentyabrın 12-14-də Ermənistan silahlı qüvvələrinin törətdiyi təxribatların qarşısını alan zaman şəhidlik zirvəsinə ucalan igidimizin ailəsinə baş çəkiblər. Nümayəndələr onların qayğıları ilə tanış olub və narahat edən məsələlər haqda danışıblar.
Qonaqlar bir necə gün öncə şəhidin halı pisləşən anası Məxfurə Həsənovanın səhhəti ilə maraqlanıblar.
