Qubada amputasiya edilmiş burunun yenidən birləşdirilməsi əməliyyatı uğurla başa çatıb. Bu haqda ShimalNews 5 iyul tarixində məlumat verir.
Bu əməliyyat Quba Rayon Mərkəzi Xəstəxanasında ilk dəfə olaraq icra edilib. 3 saata yaxın davam edən əməliyyat üz-çənə cərrahı Vəlican Abasov, rekonstruktiv-plastik cərrah Tərlan Hacızadə və həkim-reanimatoloq-anestezioloq Ayaz Səfərov tərəfindən həyata keçirilib.
57 yaşlı pasiyentin üzərində icra olunan burun replantasiyası əməliyyatı uğurla başa çatıb. Hazırda xəstənin vəziyyəti qənaətbəxşdir.
