Şəki Apellyasiya Məhkəməsində quldurluqda təqsirləndirilən Azər Babayevin (şərti) barəsindəki hökmdən verilən apellyasiya şikayəti üzrə məhkəmə iclası başa çatıb.
Pravda.az-ın məlumatına görə, sonuncu keçirilən prosesdə qərar elan olunub.
Qərara əsasən, apellyasiya şikayəti təmin edilməyib.
İttihama görə, hadisə 06 dekabr 2023-cü il tarixi saat 08 radələrində Qəbələ rayonunun Zarağan kəndində qeydə alınıb.
Belə ki, Azər Babayev kəndə qohumunun evinin həyətinə hasardan keçməklə daxil olub. Sonra o, evdə tək olan zərərçəkmiş Məlahət Quliyevaya (şərti) basqın edib, qolundan tutaraq üzərində gəzdirdiyi mətbəx bıçağı ilə onu hədələyib. Bu zaman Azər qadından pul və qızıl-zinət əşyaları tələb edib. Məlahət Quliyeva isə ona müqavimət göstərərək sifətindəki maskanı çıxarmaq istəyib. Azər isə oradan qaçaraq uzaqlaşıb.
Hadisədən sonra Azər Babayev saxlanılaraq cinayət məsuliyyətinə cəlb edilib.
