Oğuz rayonunun Calud kəndində Birinci Qarabağ müharibəsinin şəhidinin xatirəsinə tikilən şəhid bulağının açılışı olub.
Report.az-ın məlumatına görə, tədbirdə rayon rəsmiləri, kənd ziyalıları, şəhid ailələri, qazilər iştirak ediblər.
Əvvəlcə şəhidlərin xatirəsi bir dəqiqəlik sükutla yad edilib.
1973-cü ildə Kəlbəcər rayonu, Bəzirxana kəndində doğulan Qaryağdı Haqverdi oğlu Bayramov 1992-ci ildə hərbi xidmətə yollanıb. İlk öncə Kəlbəcər batalyonunda topçu, daha sonra isə top komandiri kimi xidmət edib. Q.Bayramov 12 aprel 1993-cü ildə Murovdağ istiqamətində gedən döyüşlərdə itkin düşüb. Onun ailə üzvləri Kəlbəcər rayonu işğal olunduqdan sonra Oğuz rayonunun Calud kəndində məskunlaşıblar.
