Daşınmaz Əmlakın Dövlət Kadastrı və Reyestrinin İdarə Heyətinin sədri Nigar Alimova şimal bölgəsində vətəndaş qəbulu keçirib. Bu haqda ShimalNews 22 iyun tarixində məlumat verir.
Xaçmaz şəhərində keçirilən görüşdə rayon sakinləri ilə birgə Quba, Qusar və Şabrandan olan sakinlər, ümumilikdə 40 nəfər iştirak edib.
Onlar daşınmaz əmlakın, o cümlədən torpaq sahələrinin qeydiyyatı, torpaqların təyinatının dəyişdirilməsi, sərhədlərinin dəqiqləşdirilməsi, islahat zamanı ayrılmış pay torpaqlarının qeydiyyatı zamanı qarşıya çıxan uyğunsuzluqların aradan qaldırılmasına, dürüstləşdirmə işlərinin sürətləndirilməsinə dəstək göstərilməsi və digər məsələlər barədə müraciət ediblər.
Qəbul zamanı qaldırılan bir sıra məsələlər həllini tapıb, araşdırılması tələb olunan müraciətlər baxılması üçün qeydiyyata alınıb.
