Əmək və əhalinin sosial müdafiəsi naziri Sahil Babayev Qusarda vətəndaş qəbulu keçirib. Bu barədə ShimalNews 24 fevral tarixində adıçəkilən nazirliyə (ƏƏSMN) istinadən məlumat verir.
Qusar və Quba sakinlərinin müraciətləri fərdi qaydada dinlənilib. Burada aktiv məşğulluq proqramlarına cəlb olunmaq, ünvanlı sosial yardım, pensiya hüquqlarının müəyyən olunması, əlillik və reabilitasiya, mənzillə təminat və s. mövzular qaldırılıb. Hər bir məsələ araşdırılaraq nəticəyə əsasən tədbirlər görülüb.
Eləcə də sakinlər aktiv məşğulluq proqramlarına, o cümlədən özünüməşğulluq, ictimai işlər proqramlarına cəlb olunmaları, reabilitasiya xidmətləri ilə əhatə olunmaları və s. məqsədlərlə qeydiyyata alınıblar.
[caption id="attachment_37237" align="alignnone" width="640"]
Foto sosial.gov[/caption]
