Müəllimlərin Riyaziyyat Müsabiqəsinin final mərhələsi keçirilib.
Shimal.News xəbər verir ki, yarış Azərbaycan Gənc Müəllimlər Assosiasiyasının təşkilatçılığı və Azərbaycan Təhsil İşçiləri Azad Həmkarlar İttifaqının tərəfdaşlığı ilə baş tutub.
️Müsabiqədə təhsilverənlərə AMC (American Mathematics Competitions) tapşırıqları əsasında 25 sual təqdim olunub və sualları cavablandırmaq üçün 75 dəqiqə vaxt ayrılıb.
Müsabiqənin nəticələrinə görə 1-ci yerə Zərqəm Əsədov (İsmayıllı), 2-ci yerə 2 nəfər - Rüstəm Təhməzov (Bakı) və Orxan Bayramov (Quba), 3-cü yerə isə 3 nəfər - Zinyət Cabbarlı (Şərur), Natiq Mustafayev (Xaçmaz) və Aygün Xəlilli (Bakı) layiq görülüblər və təşkilatçılar tərəfindən mükafatlandırılıblar.
