İsmayıllı Rayon Mərkəzi Xəstəxanasının (RMX) direktoru Vidadi Rəhimov əmr imzalayıb. Bu barədə ShimalNews 7 iyun tarixində məlumat verir.
Əmrə əsasən, Lahıc Ailə Sağlamlıq Mərkəzinə yeni həkim-pediatr Adilə Abdullayeva təyin olunub. Bununla bağlı iclas və təqdimat keçirilib. Tədbirdə baş həkim Nərgiz Rəhimova, İlkin Səhiyyə Xidmətləri şöbəsinin müdiri Maya Məmmədova, Lahıc qəsəbəsinə yaxın olan kənd Tibb Məntəqə müdirləri (Əhən, Çandahar, Gəndov) və Lahıc Ailə Sağlamlıq Mərkəzinin tibb heyəti iştirak ediblər.
Rayon mərkəzindən 45 km dağlıq ərazilərdə yerləşən Lahıc qəsəbəsi və ətraf kəndlərdə yaşayan əhali uzun müddət idi ki, həkim olmamasından əziyyət çəkirdi.
