“COP29” tədbiri ilə bağlı müxtəlif hədəfli saxta resursların yaradılır.
“ShimalNews” Xüsusi Rabitə və İnformasiya Təhlükəsizliyi Dövlət Xidmətinə istinadən xəbər verir ki, resurların bir çoxu kiberdələduzlar tərəfindən hazırlanıb. Onlar sosial şəbəkələrdə “COP29” ilə bağlı açılan iş yerləri barədə saxta məlumatlar paylaşırlar.
Dövlət Xidməti və “COP29"un idarəetmə mərkəzi ilə birgə informasiya təhlükəsizliyinin gücləndirilməsi və kiberhücumların qarşısının alınması istiqamətində müvafiq tədbirlər həyata keçirir və nəzarəti gücləndirir. Bu günə qədər 15 saxta resurs aşkar edilib və ölkə üzrə bloklanıb.
Qurum yalnız rəsmi mənbələrdən əldə edilən məlumatlara inanmağa çağırır və sosial şəbəkələrdə yayılan saxta və yanlış məlumatlara qarşı diqqətli olmağa səsləyir.
