Növbəti dəfə "Bəşirov" mükafatı 2024-ci ildə qalib olan məzunlara təqdim edilib.
Shimal.News xəbər verir ki, mükafatı məzunlara İsmayıllı Rayon Təhsil Sektorunun müdiri Rəşid Məmmədov və Bəşirovlar ailəsi adından İsmayıllı şəhər 6 nömrəli tam orta məktəbin direktoru Qalib Bəşirov veriblər.
Bu il üzrə I yeri Təzəkənd kənd tam orta məktəbinin məzunu Bədəlova Nərgiz Cəlal qızı (685,1 bal), II yeri Diyallı kənd tam orta məktəbinin məzunu Qaniyev Elgün Elçin oğlu (670,5 bal), III yeri isə Diyallı kənd tam orta məktəbinin məzunu Göyüşov Namaz Veyis oğlu (670,4 bal) qazanıblar.
"Bəşirov" mükafatı uzun illər İsmayıllı Rayon Təhsil Şöbəsinə rəhbərlik etmiş Bəşirov Fərman Zakir oğlunun xatirəsinə ailəsi tərəfindən 2020-ci ildən təsis olunub və hər tədris ili üzrə İsmayıllı rayonunda ən yüksək nəticə ilə ali məktəblərə qəbul olunan 3 nəfər məzuna təqdim edilir.
I yerin qalibinə 500 manat, II yerin qalibinə 300 manat, III yerin qalibinə isə 200 manat verilir.
