İsmayıllıda 15 yaşlı Aydanla (adlar şərti verilib) cinsi əlaqədə olan 26 yaşlı Əsəd məsuliyyətə cəlb edilib. Bu barədə ShimalNews 28 fevral tarixində “Globalnet”ə istinadən məlumat verir.
Təqsirləndirilən şəxs deyib ki, əlaqələri könüllü şəkildə baş verib. Aydanın 16 yaşına çatmadığını, əməlinin cinayət olduğunu sonra bilib: "Lakin Aydanın 16 yaşı tamam olduqdan sonra ailə həyatı quracağımı düşündüyüm üçün cinayət məsuliyyətinə cəlb olunacağımı düşünmədim”.
Aydan bildirib ki, “İnstagram” və “whatsap”da Əsədlə apardığı yazışmaların hamısı silinib: "Hazırda Əsədlə heç bir əlaqəm yoxdur. O, ilk dəfə mənimlə zorla cinsi əlaqədə olub. Lakin sonradan könüllü cinsi əlaqədə olmuşam və ondan hamilə qalmışam. Əsədlə barışmamışam. Ona qanunla nəzərdə tutulmuş müddətdə azadlıqdan məhrumetmə cəzasının verilməsini istəyirəm".
İstintaq orqanı tərəfindən Əsədin barəsində Cinayət Məcəlləsinin 152.1-ci (on dörd yaşına çatmış, lakin on altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsi ilə ittiham elan edilib.
Cinayət işinə İsmayıllı Rayon Məhkəməsində baxılıb. Təqsirləndirilən 1 il 6 ay müddətinə azadlıqdan məhrum edilib.
