İsmayıllıda güclü külək ağacı aşırıb və elektrik xətlərini sıradan çıxarıb.
"Report"un məlumatına görə, rayonda məcburi köçkünlər üçün salınmış yaşayış sahəsində külək iri gövdəli ağacı aşırıb.
Nəticədə elektrik dirəkləri zədələnib, biri isə aşıb və 55 ailənin elektrik enerjisi ilə təminatı dayandırılıb. Aidiyyəti qurumun əməkdaşları hadisə yerinə cəlb olunub və qəzanın aradan qaldırılması üçün zəruri işlər həyata keçirilib.
