İsmayıllı Uşaq və Ailələrə Dəstək Mərkəzinin sosial iş üzrə mütəxəssis-psixoloqları yeniyetmələrlə görüş keçiriblər. Bu haqda ShimalNews 28 mart tarixində məlumat verir.
Tədbir “Şəxsiyyət yüksəlişi” təlim proqramı çərçivəsində təşkil edilib. Görüşlərdə “Tanışlıq”, “Mən kiməm?” mövzularında şagirdlərin özünütanıma, özünüqiymətləndirməsi, eləcə də yeniyetmələrin empatiya bacarıqlarının, emosional intellektin inkişaf etdirilməsi, hiss və emosiyaların idarə edilməsi yollarının öyrənilməsi məqsədilə psixoloji tapşırıqlar yerinə yetirilib, qrup oyunları keçirilib və bu barədə söhbət aparılıb.
Görüşlərin növbəti aylarda da davam etdirilməsi nəzərdə tutulub.
